တစ်ကယ်တော့ 
ကျွန်တော်ဆိုတာ
မှုန်ဝါးရီဝေအမြင်တွေရှိတဲ့
ခပ်တုံးတုံးလူတစ်ယောက်ပါ
ဒါပေမယ့်တစ်ခါတစ်လေတော့လည်း
စဉ်းစားကြည့်မိတယ်......
ဘ၀ဆိုတာ....တိုက်ပွဲလား
ဇာတ်ညွန်းရှိပြီးသား ရုပ်ရှင်လား သေချာမသိပါ.............။
ဒုက္ခဆိုတာ .....မွေးရာပါ
ဆုလာဘ်လားရေသောက်မှချိုမယ့်ဖန်ခါးသီးလားမသိပါ.......။
ငွေကြေးဆိုတာကကော..
ဒုတိယမြောက်ဘုရားသခင်လား
ကိုယ်မွေးတဲ့မျောက်ကကိုယ့်ပြန်ခြောက်ခြင်းလား
သဲသဲကွဲကွဲမသိပါ.........
တစ်ခါတစ်လေတော့လည်း
စဉ်းစားမိပါတယ်...။
အချစ်ဆိုတာလိုတရလွယ်အိတ်လား
ဒိန်ခဲသေးသေးလေးပါတဲ့ ကြွက်ထောင်ချောက်လားမသိပါ....။
ဂုဏ်ဆိုတာ လူရွေးချယ်ပွဲ ၀င်ခွင့်လက်မှတ်လာ
းသွားလေရာလိုက်ရှုပ်နေမယ် ခွေးမြီးကောက်လားမသိပါ....
ချစ်သူဆိုတာ
ခပ်ကြီးကြီးမိအောင်မျှားရမယ့်ငါးလား
ကိုယ်သောက်ရမယ့်အဆိပ်ခွက်ကိုသယ်ယူလာသူလား
သေချာမသိပါ..........
ခွင့်လွှတ်ခြင်းဆိုတာဒိုင်တွေ့သွားတဲ့လူကျွံဘောလား
အနိုင်လို့ပြောပြီးအရှုံးပေးခြင်းလား မသိပါ...။
တစ်ခါတစ်လေတော့လည်းစဉ်းစားနားလည်ဘို့
ကြိုးစားမိပါတယ်.....။
သေခြင်းတရာဆိုတာ
လက်ရှိဒုက္ခတွေကလွတ်မြောက်ခြင်းလား
နောင်ထပ်ဒုက္ခအသစ်တွေအတွက်
တာထွက်သေနတ်ဖောက်သံလားမသိပါ......
နောင်ဘ၀ဆိုတာကကော
လက်မှတ်ဖြတ်ပြီးသားခရီးစဉ်တစ်ခုလား
မျက်စိမှိတ်ယုံရမယ့်ဘိုးတော်ပေးတဲ့ ချဲတစ်ကွက်လားသေချာမသိပါ....
အင်း တစ်ကယ်တမ်းပြောရရင်တော
ကျွန်တော်ဟာမှုန်ဝါးနေတဲ့အမြင်တွေတစ်စစီပြန့်ကျဲနေတဲ့
အတွေးတွေနဲ့
ခပ်တုံးတုံးကောင်တစ်ကောင်များဖြစ်နေမလားဆိုတာ
ခင်ဗျားတို့တွေးနေလောက်ပါပြိ.....
