တစ်ယောက်သောသူအတွက်…တစ်သက်စာ*

သတိမရဖို့ အကာအကွယ်ပြုခါမှ
သတိတရတွေ ပြိုကျလာ
အတိုင်းအဆမဲ့ ထိရှမှုဟာ
အပွင့်ကိုထိလည်းကြွေလွယ်
အညှာကို ထိလည်းကြွေလွယ်
အတိတ်ကိုဆန့်အထုတ်မှာ
အိပ်မက်တွေဟာ တဖြုတ်ဖြုတ်ကြွေ..။

မေ့လို့ရမှာလား
ကလေးတွေထပ်နေတဲ့ အရုပ်ကားချပ်လို
လက်ရှိ၊ လက်ရှိခြင်း ထပ်တူပြခဲ့ကြ
အလွှာပါးပါးလေးတွေ ခြားမှာစိုးတော့
ဖ၀ါးလေးတွေ နွေးအောင် ဆုပ်ကိုင်ထားမိကြ
ကြည်နူးခြင်းမှာ ကြေကွဲခြင်းကို လျစ်လျူရှုခဲ့ညနေများ။

“ဘာလို့များ ထားခဲ့ပါလိမ့်”
မရေမရာအတွေးတစနဲ့
မျက်ရည်လွှာကို ခဏခဏ တွန်းဖယ်ကြည့်မိ
ချစ်သူရယ်…
မ၀င်လာခင်တည်းက
ထွက်ခွာဖို့ ဆုံးဖြတ်ခဲ့လေလား။

စိတ်မနာအားသေးဘူး
ဟိုးအဝေးမှာ ပျော်နေမလား
မိုးတွေရွာတော့ ငိုမှာလား
မှုန်ပြာပြာကောင်းကင်ကိုငေးရင်း
ဖြေသူမရှိတဲ့ အမေးကို တွေးနေမိ။

“ပြန်လာရင် သိပ်ကောင်းမယ်ကွယ်”
မရေရာတဲ့ ကောက်ရိုးမျှင်စကို ဆွဲရင်း
မျှော်လင့်ခြင်းတွေကလည်း တအုပ်တမနဲ့
ဒီရာသီရဲ့ တိမ်ပုတ်ပုတ်တွေအတိုင်း
အဆွေးမြေ့ခံစိတ်တွေ
တတောလုံး မှိုင်းလို့…ညို့လို့။

အချိန်ရှိတိုင်း
သူ့နာမည်လေး
မြသထက်မြအောင် ချွန်ပေး
အသွားထက်သထက် ထက်လာတော့မှ
ဒါဏ်ရာတွေ နက်နက်လာမှန်းသိသာ
အသွေးထဲ၊ အသားထဲမှာ
သတိတရဟာ အရှိန်ပြင်းပြင်း
ခုတ်ထွင်စီးဆင်းဆဲ………..။ 

နင်.............၀င်မလာသင့်ဘူး

ပျော်နိုင်ပါ့မလား……..
………………………………
ရေဆန် လေဆန်
(ဘ၀မှာ……)
နေဒဏ် မိုးဒဏ်လည်းခံရမယ်
နင်………
…………………………….
ဝင်မလာသင့်ဘူး……



နေ အကျိုးအပဲ့
လ အစုတ်အပြတ်နဲ့ 
နေကျဲကျဲပူ
နှင်းထူထူကျ
မိုးသည်းသည်းရွာ
(ဟောဒီ့ကောင်ရဲ့ကမ္ဘာ……)
သုံးရာသီဖျားနာမယ်
နင်……..
……………………………
ဝင်မလာသင့်ဘူး……



အိမ်ရှေ့ မှာမိုးစိုမယ်
နောက်ဖေးမှာမိုးယိုတယ်
အပေါစားဖိနပ်နဲ့ 
နင်မတ်တပ်ရပ်ဝံ့ပါ့မလား
တစ်ရာတန်ဘတ်(စ်)နဲ့ 
နင်သွားလာတတ်ပါ့မလား
(ဒီကောင့်ကမ္ဘာဆိုတာ…..)
နင်မကြားဖူးတဲ့အပေါစား ကဗျာတစ်ပုဒ်ပါ
နင်………..
…………………………………………..
ဝင်မလာသင့်ဘူး



ပျော်စမ်းပါ……..
……………………………………..
နင်တို့ ကောင်းကင်မှာ
ရောင်စဉ်တွေတောက်ပနေတာပဲ
တိမ်စွန်တိမ်ဖျားမှာ
သွားချင်ရာသွားလို့ ရတယ်
အစီအရီပွင့်ဖူး
ခူးချင်ရာခူးလို့ ရတယ်
(နင်တို့ ကမ္ဘာမှာ……)
ပန်းလှလှလေးတွေ ပွင့်နေကြတာပဲကောင်မလေးရယ်

ချစ်တယ်………..
…………………………………….
(မတန်မရာပါးစပ်)
လမင်းကိုမြေပေါ်ဆွဲချ
အညတြအိမ်မက် မက်ခဲ့တဲ့ကောင်
နင့်ရင်ခုန်သံလေးတွေတောင် အားနာမိပါရဲ့
တော်ပြီ……
…………………………….
တစ်ခန်းရပ်…….
………………………………………
ငါ့အတွက်နဲ့ တော့…….
………………………………………………
နင်…….
……………………………………………………….
……………………………………………………………….


ကိုယ့်ရင်ဘတ်ကိုယ်သော့ခတ်
မမြင်သာအောင်သိုဝှက်
အညတြအိမ်မက် မက်ခဲ့တဲ့ကောင်
တစ်ချောင်ချောင်မှာပဲ
ပြုံးပြုံးလေး သေနေပေးပါ့မယ်……….
……………………………………………………….
တော်ပြီ……..
…………………………
တစ်ခန်းရပ်……….
……………………………………
ငါ့အတွက်နဲ့ တော့……..
………………………………………….
(ကလေးရယ်…….)
နင်………..
ဝင်…………
မ…………….
လာ……………..
သင့်……………….
ပါ……………………..
ဘူး……………………..
………………………………………………………..
…………………………………………………………………….။